手術記
寫這篇blog
目的只有一個
就是希望有需要的人能夠作一個小小參考
畢竟我曾經經歷過發瘋似的上網做research了解手術內容和醫生的痛苦時期
發現大部份post都係xx forum xx kingdom
不留醫生名、醫院名
想知便要pm
他媽的煩
而且那些post都係09年-11年
那怕pm那個人都會石沉大海
所以
我希望利用這個私家平台
跟大家作少少分享
醫院：聖德肋撒醫院 (俗稱”法國醫院”)
醫生：郭瑞怡醫生 (駐院的婦產科顧問醫生)
手術：腹腔鏡切除卵巢囊腫 +-通輸卵管(如有需要) (俗稱”微創切除朱古力瘤”)
住院日數：三日兩夜
費用：$57xxx
Day 1
醫生早前已叮囑8:00am開始禁水禁食
所以早在7:00已吃早餐
吃罷後老公便陪我出發去醫院
準時到達
先到入院登記處登記
經歷過上次住大樓大房的不快經歷 (8-11人房，雖然唔full，但全部老人家，感覺很糟，而且晚上很嘈)
我要求入住3-4人房 (反正保險個額夠cover，無理由蝕俾佢)
怎知職員告訴我3-4人房全full了
最後
職員安排了我去南座的8人大房
新裝修有獨立電視
整件事好得多了！
上到病房
先量體溫、血壓、身高體重等資料
之後姑娘會問你有無病歷資料要交俾醫生
我帶了之前照的超聲波片、CT掃描report、身體檢查report
總之有的資料都交給姑娘
之後姑娘會解釋手術內容和風險
其中一點我最concern
就是說如果子宮內膜異位症嚴重者而導致器官有黏連
或需改做開腹手術
呀~天呀
未知之數超恐怖
最後
心驚驚咁簽下一份手術同意書
完成以上例行手續後
便可以去病床安頓下來
不一會姑娘又來例行工作
其中包括好痛苦的灌腸放便便 (狂肚瀉)
之後就hea住等2:00做手術
期間
我的好朋友跟我通電和電話中禱告
心裡感覺好溫暖呢
手術前一個鐘
要換上手術袍
不一會姑娘就推我去手術室
老公陪伴在旁
我又開始喃嘸式叮囑老公一定要守住手術室門口
然後問醫生我的手術結果
哈 那個修女兼姑娘忍唔住笑我
問我點解要叮囑老公咁多野 你老公都已經夠擔心了
其實我都係因為太擔心先咁
幸好修女姑娘不停安慰我
我也努力裝作堅強
入到手術室
醫生開始解釋手術內容
我終於忍唔住哭了
邊哭邊跟醫生說「我老公係出面等我，你記得話佢知我既情況」
「同埋請你盡量唔好幫我開刀」
我猜醫生都被我嚇怕了
麻醉師又恐嚇我說「再喊一陣麻醉期間會呼吸困難架」
就這樣
我流著淚被麻醉了！
手術完了後
我隱約聽到醫生跟我說手術的情況
但由於麻醉藥未過
人不太清醒
加上整個人狂震
震到覺得呼吸困難
迷糊地不停問「點解會咁震，我會唔會死」
之後的事忘了
睡了一會
晚上7時多便醒過來
過一會醫生來巡房
然後向我解釋手術情況
醫生說手術是成功的
不過手術時發現我的子宮內膜異位症屬於嚴重
因為周遭已有黏連情況 (好似話子宮黏連直腸，他媽的嚇人)
不過最後都用藥水沖走了
無需開肚
但就加多千幾蚊 (心想：唔開肚，加一萬都值啦)
醫生最後都叮囑我生仔就要快
亦會同步寫紙比我排政府的輔助生育
其實聽完醫生講
我又開始擔心了
不停問老公
「醫生點解會寫紙比我排政府的輔助生育架？」
「佢係咪覺得我生唔到？」
「係咪手術影響？」
老公又充當心理醫生解釋說
「你被推出手術室時我已經問左醫生手術會唔會影響生育，佢話唔會」
「生唔生到係睇身體狀況」
「醫生見你成日喊、成日擔心，好似好想生仔咁，所以咪早d寫紙比你排政府，排得黎都2年，自己試一年唔得，都仲有個保險丫麻」
就係咁
心中部份迷團解開了^^
老公說那時等我等到心慌慌
因為手術歷時差不多2個多小時
其他病人都出來了
偏偏我最早入但最遲出
我想應該是醫生好努力咁係唔開肚的情況下幫我用腹腔鏡清除那些黏連的朱古力瘤比較費時吧
晚上9:00後
已經可以進食餙粥和飲果皮水化氣
手術後傷口有點痛
而且肚內滿是co2 有點脹痛
加上插了尿喉很不方便
但精神還可以呢！
Day 2
3.8婦女節
重生的一天
早上被爸爸叫醒
精神比昨天好
由於未能下床
只好病人式刷牙洗面
然後吃過爸爸拿來的愛心粥
過一會老公又來了陪我
10:00醫生巡房
說我一會拔了喉後便可以慢慢下床走走
好讓腸胃蠕動
午飯後姑娘便來替我拔走尿喉和鹽水
呵 我正式放監了
首次下床
傷口有點痛
需要老公扶著
才能慢慢走走
但走了不一會
便頭暈眼花
又要返上床休息一會
到了晚上
全世界又來探我 (爸媽老爺奶奶)
一位好友也順道來探我呢
還帶了一支紅玫瑰
她姑娘以為是老公送給我的3.8婦女節禮物
哈哈 他又怎會有這樣的心思呢
Day 3
出院日
精神又比昨天好
早上吃過愛心粥後
已經可以自己慢速在醫院走廊晨運
晨運後還有精神看報紙
跟爸爸討論新聞
之後待醫生10:00巡房
醫生向我解釋出院注意事項後
便開始辦理出院手續
需時差不多2個鐘呢
呼
平安返家了！